Павлодар қаласының дене шынықтыру-сауықтыру бағытындағы № 41 ЖОМ-да 2019 жылғы  ақпанның 14-і «Қоғамдық денсаулықты сақтаудың өзекті мәселелері. Дүниежүзілік денсаулық сақтау ұйымының «Денсаулықты нығайтуға ықпал ететін мектеп» жобасын енгізу және іске асыру. 1999 жылдың мамырынан бастап Қазақстан «Денсаулықты нығайтуға ықпал ететін мектептер» Еуропалық желісінің ресми мүшесі болып табылады. Оқушылардың денсаулығын сақтау және нығайту үшін мектепте спорт залдары (дене шынықтыру, күрес, би), үлкен және кіші бассейн, арнайы медициналық топ залы бар. Балалармен білікті педагогтар мен спорт нұсқаушылары жұмыс істейді. Сауықтырумен, спортпен және дене шынықтырумен айналысатын оқушылардың қамтылуы 78% құрайды, оның ішінде 13 оқушы - сауықтырудың инклюзивті әдістерімен.

Семинарға Қоғамдық денсаулық сақтау басқармасының мамандары, білім беру мекемелерінің медицина қызметкерлері, жобаны іске асыру бойынша жауапты үйлестірушілер қатысты. Семинарға қатысушылар заманауи білім беру ортасына Денсаулық сақтау технологияларын енгізу, Павлодар қаласының № 3 емханасымен ынтымақтастық мысалында инклюзивті білім беру жағдайында білім беру ортасының мазмұнындағы ведомствоаралық өзара іс-қимыл бойынша тәжірибе алмасты. 7 секция бойынша жұмыс барысында қатысушылар ата-аналардың қатысуымен өткен дөңгелек үстелде дұрыс тамақтану мәселесін талқылады. Мүсінді түзету бойынша арнайы медициналық топта, биология кабинетінің сандық зертханасында жүрек жұмысына физикалық жүктемелердің әсері туралы практикалық сабақтар өткізілді. Сонымен қатар қатысушыларға 10 - 11 сынып оқушылар құрамынан құрылған мектептің «Жастар денсаулықты таңдайды!» насихаттау тобының бағдарламасы ұсынылды.

Семинардың ұйымдастырушылары Қоғамдық денсаулық сақтау комитетінің Қоғамдық денсаулық сақтау департаменті, облыстық денсаулық сақтау басқармасы, облыстық білім басқармасы, № 41 ЖОМ.