2019 жылдың 18 наурызында  Павлодар қаласы  № 43 ЖОМ-нде «Жеті рухани кезең» кіші жобасы аясында - «Ұлттық қолөнер - тәрбие көзі ретінде» атты шеберлік-сағаты өткізілді.

Іс-шара ұлттық шығармышылықты сақтау мен дамытуға, ұлттық дәстүрлерді, Қазақстан халықтарының  мәдени құндылықтарын  қайта жаңғыртуға бағытталған. Іс-шараға Қазақстан халықтар Ассамблеясының өкілдері, ата-аналар қатысты.

Жастар қабілетін дамытудағы көмек ретінде киіз, ағаш, моншақ және  тағы басқа материалдардан ұлттық нақышта бұйымдар жасау бойынша шеберлік-сағаты өтті.

«Қоржын жасау» аталымында 8-сынып оқушысы Қайыр Наргизаның әжесі Тілектес Кәкімқызы Какенова өзінің қолдан жасаған бұйымдарын көрсетті. Ыскақ Құламзақ есімді қатысуші өзінің құрақ көрпе тігу бойынша шеберлігімен бөлісті. Павлодар облысы Қазақстан халықтар Ассамблеясының «Мейірім» келіндер клубының жетекшісі 5 - 6 сынып оқушыларына боялған қой жүнінен қандай  шағын заттар  жасалатынын  көрсетті.

Қонақтардың назарына еңбек мұғалімі Қайрат  Аманжолұлы Нүкеновтың 9 - 10 сынып ұлдарымен бірге   ағаштан жасаған ұлттық ыдыстары ілікті. Көркем еңбек мұғалімі Галина Ивановна Белая  ұлттық нақыштағы «Ши тоқу» бойынша шеберлік сағатын өткізді.

Қазақ тілі мен әдебиеті мұғалімі Динара Серікқызы Уныйбаева өзінің әйелдерге арналған ұлттық нақыштағы күміс және басқа металлдардан  жасалған әшекей бұйымдарының: сырға, білезік, алқа көрмесін ұйымдастырды.