Павлодар облысының тілдерді дамыту жөніндегі басқармасының ұйымдастыруымен үштұғырлы тіл - қазақ, орыс және ағылшын тілдерін жетік меңгерген 16 мемлекеттік қызметшілер арасында қалалық «Тіл шебері» конкурсы өтті, оның ішінде Павлодар қаласының № 33 ЖОМ-ң физика мұғалімі де бар. Конкурс 2019 жылғы 12 сәуір күні Естай атындағы қалалық мәдениет сарайында өтті. Конкурстың мақсаты - үш тілді қазақ, орыс және ағылшын тілдерін жетік меңгерген жас мемлекеттік қызметшілерді анықтау және қолдау, тіл мәдениетін көтеру, үштілділікті насихаттау.
Конкурс 3 кезеңнен тұрды: «Тұсаукесер» - өз-өзін ағылшын тілінде презентация түрінде таныстыру, «Ұлттаным» - билеттік жүйе бойынша қазақ елінің тарихы мен ұлы тұлғалары, қазақ жері және оның аймақтары жөнінде қазақ тілінде баяндау, «Өнертаным» - орыс тілінде көркем шығармадан үзінді немесе өлең оқу (үй тапсырмасы).
Конкурс қорытындысы бойынша физика мұғалімі Лаура Рамазановна Медетова ІІ жүлделі орынға ие болды. Мектепте 5 жыл қызмет атқарып келеді, қазақ және орыс тілдерін еркін меңгерген, ағылшын тілінің деңгейі В2. Қала мектептерінен құралған шығармашылық топ Лаура Рамазановнаның басшылығымен «Жаңартылған білім беру мазмұны аясында үздік инновациялық құрал - 2019» сайысында «Үштілділік білім беру бойынша ең үздік әдістемелік-дидактикалық құрал» номинациясы бойынша 8 сыныпқа арналған үші тілдегі «Physics 8» құралы І жүлделі орынға ие болды. Лаура Рамазановна мектептің жас мамандарынан құралған «Мы тоже город» КТК командасының қатысушысы, 2018 жылы команда қалалық лигада І жүлделі орынды қанжығасына байлады.