2019 жылы 15 мамырда сағат 15.00-де № 35 жалпы білім беру мектебінің (Айманова, 37) негізінде Павлодар қаласы білім беру бөлімі «Павлодар дарыны» бос уақытты қамту және балалардың дарындылығын дамыту орталығымен «Шоң би қалалық оқуларының» байқауы өткізіледі.
«Шоң би қалалық оқуларының» негізгі мақсаты мектеп оқушылары арасында Ертіс – Баян өңірінің атақты тарихи тұлғаларын насихаттау.
Байқауға 20 жалпы білім беру мектебі 50 оқушының қатысуына өтінім берді.
Байқау 3 секциядан тұрады:
Эссе жазу (берілген тақырып бойынша) секциясы.
«Арнаймын жыр маржанын бабаларға» ақындар мүшайрасы секциясы.
Тест сұрақтары (Шоң бидің өмірі мен қызметіне байланысты сұрақтарға жауап беру) секциясы.
Байқау жеңімпаздары мен жүлдегерлері Павлодар қаласы білім беру бөлімінің дипломдарымен марапатталады.
Шоң би Едігеұлы(1754-1836 жылы, қазіргі Павлодар облысы Баянауыл ауданында туған) қазақтың көрнекті биі, Баянаул сыртқы округінің Аға сұлтаны, XIX ғасырдың басындағы Ертіс – Баян өңірінің тарихи тұлға. Шоң би хан билігін құлату үшін күресті.
Тел.:322343
Павлодар қаласы білім беру бөлімі