2019 жылғы 10 қыркүйекте Павлодар қаласының № 2 ЖОМ денсаулық апталығы аясында  толықметражды футбол алаңының ашылуы мен футбол бойынша қалалық ашық турнирдің жабылу салтанаты өтті. Іс-шараға Павлодар қаласы әкімінің орынбасары С.Н. Мұқанов, туризм және спортты дамыту басқармасы басшысының орынбасары Н.А. Есембаев,  білім беру басқармасы тәрбие жұмысы бөлімінің басшысы Г. Р. Ибраева қатысты.

      Іс-шара № 39 бен № 22 мектептердің барабаншылары мен мажореткалар маршымен ашылды. «Ертіс» футбол клубының ойыншылары жас футболистерге мастер-класс көрсетті.

2018 жылы Павлодар қаласының № 22 және 43 мектептерінде толықметражды футбол алаңы ашылды, сонымен қатар № 4 және № 36 мектептерде де аталған футбол алаңдары бар.

    Футбол алаңында футбол бойынша қалалық турнирдің қорытындысы өтті.  I орынды № 21 ЖОМ командасы, II орынды- № 24 ЖОМ командасы, III орынды - № 22 ЖОМ командасы иеленді. Турнирдің жеңімпаздары мен жүлдегерлері және «Футболдың үшінші сабағы» республикалық жобасының қатысушыларына доптар сыйға тартылды. Жабылу салтанатында мектептің музыка жетекшісі Мақсат Ахметжанов спорт туралы «Батырлар әнін!» орындады. Іс-шара № 43 пен № 2 мектептердің футбол командаларының жолдастық кездесуімен аяқталды. Ашық қалалық футбол турнирі қыркүйектің 5-і мен 10-ы аралығында өтті, қаланың жалпы орта білім беру мектептерінің 3 - 4 сынып оқушылары құрамынан 16 команда қатысты.