Мектепке дейінгі және орта білім беру жүйесі бойынша «Үздік педагог - 2019» республикалық конкурсының қорытындысы бойынша № 34 мектептің информатика пәні мұғалімдері Поляков Илья Олегович және № 19 Серікбаев Алмас Сансызбайұлы жеңімпаз атанды.
А. С. Серікбаев 2012 жылдан бастап қалалық, облыстық және республикалық конкурстарға қатысады. 2013 жылы «Жыл мұғалімі - 2013» қалалық байқауының «Үміт» номинациясы бойынша жеңімпазы, 2014 жылы IX республикалық педагогикалық олимпиадада «Талантты мұғалім - дарынды педагог» номинациясының иегері, 2015 жылы 10 Республикалық олимпиадада «Дарынды балаларға Талантты мұғалім» ІІІ орын, 2015 жылы Алматы қаласында өткен V Республикалық «Алтын Диск» мұғалімдер байқауында «Жаңашыл» номинациясы бойынша жеңімпаз атанды, 2016 жылы Алматы қаласында өткен Республикалық «Үздік авторлық бағдарлама» байқауында I орын алды.
И. О. Поляков 10 - 11 сынып оқушылары үшін «Macromedia Flash анимациясы» факультативтік курсын әзірлеп, енгізді. 2013 жылы «Жыл мұғалімі - 2013» қалалық конкурсында гран-при иегері атанды, «Жыл мұғалімі - 2014» облыстық конкурсында гран-при алды, 2016 жылы қалалық және 2017 жылы информатика пәнінен облыстық олимпиадаларда I орын алды, 2018 жылы математика, физика және информатика пәні мұғалімдерінің VI Халықаралық шығармашылық конкурсында Алматы қаласында II орын алды.