«Мың бала» республикалық мәдени-ағарту жобасының «Асыл сөз» облыстық ашық конкурсына 29 мектеп пен 7 колледжден қазақ тілін жақсы меңгерген 39 оқушы мен студенттер қатысты.
Байқау шарты бойынша қатысушылар өзін-өзі таныстыру, шешендік өнер дағдыларын көрсету және сұрақтарға бірден жауап беру керек болды. Қазылар алқасы қазақ дыбыстарының дұрыс айтылуына, Абай шығармаларын білуіне, вокалдық ырғаққа, сөйлеу дағдыларына және сахнада өзін-өзі ұстай білуіне ерекше назар аударды.
Сайыс қорытындысы бойынша Павлодар қаласының № 43 мектептің 7 сынып оқушысы Солоденко Анастасия дайындықтың жоғары деңгейін бағындыра отырып, конкурстың барлық кезеңдерін жеңіп алды. Анастасия 25 қараша күні біздің облысты Нұр-Сұлтан қаласында өтетін республикалық байқауда таныстырады. ІІ орын алған қатысушылар қатарында № 18 ЖОМ 6 сынып оқушысы Агелиева Найля, ІІІ орын - Кенжекөл ЖОМ 8 сынып оқушысы Зинченко Милена болды.
Ұлы Абайдың 175 жылдығына арналған облыстық байқау 11 қараша күні Достық үйінде «Рухани жаңғыру» бағдарламасы аясында өтті. Байқаудың мақсаты - түрлі ұлт өкілдері арасында мемлекеттік тілді насихаттау.
Бұл күні «Мың бала» республикалық мәдени-білім беру жобасының «Sen de bir kirpish dúnіege ...» латын графигі бойынша аймақтық байқауының қорытындысы шығарылды. II орынды №43 мектептің 7 сынып оқушысы Сырдашова Аруке иеленді.