Қазақстан Республикасының Тәуелсіздік күніне арналған «Тәуелсіздік тұғырым» патриоттық челенджін 2019 жылы 3 желтоқсанда «Жебе» және «Қағидаттық» қоғамдық бірлестіктерінен, Павлодар қаласының № 25 ЖОМ оқушылары қабылдап, қолдады.

Челленджге 800-ден астам оқушы қатысты. Челлендж басында мектеп директоры Арынғазина Әсел Мұратқызы Ж. Молдағалиевтің «Мен қазақпын» поэмасынан үзінді оқып, эстафетаны 19 мектепке тапсырды. Бұдан әрі челленджге қатысушылардың барлығы «Мен қазақпын» атты Қ. Рахымның әнін орындады. Бір тәуліктен аз уақытта бейне бүкіл республика бойынша таралды. Көрген адамдар мен репостар саны бойынша челлендж әлеуметтік желіде айтарлықтай орын алды. Павлодар каласы білім беру бөлімінің ұйымдастыруы бойынша челлендж қаланың барлық мектептері мен балабақшаларында жалғасады.

Челлендждің басты мақсаты - отандастарымыздың патриоттық рухын ояту. Пайдаланушылардың түсініктеріне қарағанда, челлендж өз мақсатына жетті деп айтуға болады.