Павлодар қаласы білім беру бөлімінің әдістемелік кабинеті № 26 ЖОМ-да «Ерекше білім беру қажеттілігі бар балаларды психологиялық қолдаудың әдіснамалық негіздері және инклюзивті жалпы білім беру кеңістігінде педагогтардың өзара әрекеттесуі» атты семинар-практикум өткізді. Семинарға 80-нен астам педагог-психолог, логопед-мұғалім, бастауыш сынып, инклюзивті білім беруге жетекшілік ететін мектеп директорларының орынбасарлары қатысты. Семинардың мақсаты - бастауыш сынып мұғалімдерінің, педагог-психологтардың және логопедтердің оқыту үдерісінде ерекше білім беру қажеттілігі бар балаларды дамытуда өзара іс-қимылы.

Теориялық бөлімінде Павлодар қаласы білім беру бөлімінің қызметкерлері Ш. С. Нұрахметова, А. Ф. Деревнина, № 26 ЖОМ директоры Л. А. Щербакова, нормативтік-құқықтық база, оқушылардың оқу үрдісінде көмек пен қызмет көрсетуге қажеттілігі туралы, әрбір оқушыны оқытуда табысты болуын қамтамасыз ету үшін психологиялық-педагогикалық әдістер туралы, ерекше білім беру қажеттілігі бар балаларға арналған бағдарламаларды анықтау туралы, мектептердің балалардың бұзылуы мен диагнозына емес, табысты оқуға жағдай жасау туралы республикалық семинардың материалдары бойынша сөз сөйледі.

Практикалық бөлімде семинар қатысушылары ашық сабақтар мен сабақтарға қатысып, талдау жасады. Бастауыш сынып мұғалімі З. С. Касымова 2 сыныпта «Микробтар неден қорқады?» атты жаратылыстану сабағын, психолог И. В. Карпова - инклюзивті топта кәсіби бағдар бойынша «Әр түрлі мамандықтар әлемі» атты ашық сабақ, Ю. А Пшенко - логопед мұғалім, бастауыш сыныптарда және ұзартылған күн тобында ерекше білім беруді қажет ететін балалармен жұмыс істеу барысында «Нумикома» құралын қолдана отырып сабақ өткізді.  Мектеп директорларының орынбасарлары топтарда мектеп пен қала көлемінде инклюзивті білім беру бойынша өз ұсыныстары мен жобаларын талқылап, қорғады. Семинар материалдары қала мектептеріне жіберілді.