Мектеп директорларының әдістемелік жұмыс жөніндегі орынбасарларына әдістемелік қолдау көрсету аясында 2020 жылғы 17 қаңтарда Павлодар қаласы білім беру бөлімінің әдістемелік кабинеті Қазақстан Республикасы Білім және ғылым министрлігінің 2019 жылғы 19 желтоқсандағы «Педагог қызметкерлер мен оларға теңестірілген тұлғаларды аттестаттаудан өткізу қағидалары мен шарттарын бекіту туралы «Қазақстан Республикасы Білім және ғылым министрінің 2014 жылғы 27 қаңтардағы № 83 бұйрығына өзгерістер енгізу туралы» № 539 бұйрығының негізгі ережелерін түсіндіру бойынша семинар-практикум өткізді. Педагогикалық кадрларды аттестаттау бойынша жұмысты ұйымдастыруға жетекшілік ететін қала мектептері директорларының орынбасарлары қатысты.

Семинар қатысушыларының назарына аттестаттау ережесінің өзгерістері ұсынылды: біліктілікке қойылатын талаптар, жұмыс өтілі, мерзімінен бұрын аттестаттау кезіндегі жетістіктері, ұлттық біліктілік тестінен өту нұсқаулығы, біліктілік санатының қолданылу мерзімін ұзарту ережесі, зейнеткерлік жас алдындағы педагогикалық қызметкерлерді аттестаттау. Мектеп директорларының орынбасарлары аттестацияны өткізу бойынша нормативтік құжаттармен: хаттамалар нысандарымен, педагогтар портфолиосын бағалау парақтарымен, аттестаттауға және тестілеуге қатысты өтініштермен танысты.

Семинар материалдары жұмыс үшін мектептерге жіберілді.