«Павлодар дарыны» бос уақытты қамту және балалардың дарындылығын дамыту орталығымен  8 ақпан күні № 14 ЖОМ негізінде I қалалық математикалық олимпиада өткізілді. Олимпиадаға  40 қала мектептерінен 5 - 6 сыныптың  200 оқушысы  қатысты. Іс-шараның мақсаты - математика пәні бойынша олимпиада резервін құру, оқушыларды жоғары деңгейдегі олимпиадаларға дайындау жүйесін жетілдіру.

Олимпиада  өтілген оқу бағдарламасының есебімен жазбаша он тапсырмадан тұрды,дайындаушылар жоғарғы оқу орындарының оқытушылары.

Олимпиада тапсырмаларын орындау қорытындысы бойынша ең жоғары ұпай жинаған қатысушы жеңімпаз атанды. 5 - 6 сыныптың 63 оқушысы қала олимпиадасының құрамына енеді. Олимпиаданың  абсолюттік жеңімпазы - Тілеубекұлы Мұстафа № 38 негізгі жалпы білім беретін мектептің  5 сынып оқушысы. 2018 жылы Мұстафа бастауыш сынып оқушылары арасындағы «Бастау » қалалық кезеңінде I дәрежелі диплом, «Текстознайка» функционалдық сауаттылығы бойынша қалалық зияткерлік байқауында II дәрежелі диплом, VI облыстық математикалық турнирінің жүлдегері III дәрежелі диплом (2018 жыл). 2 - 4 сынып оқушылары арасындағы «Текстознайка» қалалық зияткерлік байқауында I дәрежелі диплом, Республикалық математика пән  олимпиадасы   2 - 4 сыныптар арсында III дәрежелі диплом, «Әль-Фараби»  қашықтық математикалық олимпиада - II  дәрежелі диплом, В. П. Никитенко атындағы XII  олимпиада III дәрежелі диплом, 5 - 6 сынып оқушылары  арасында  III қалалық олимпиада I дәрежелі диплом, М. В. Ломоносов атындағы XXI математикалық онлайн - турнир (II орын)  лауреат.

I орынға   9 оқушы ие болды: № 9 гимназия - мектебінің  5 сынып оқушысы Бровко Роман, 6 сынып оқушысы Супникова Карина, № 25 ЖОМ 5 сынып оқушысы Беркуталимова Малика, 6 сынып оқушысы Аубакир Арман, № 26 мектептің 5 сынып оқушысы Бондаренко Клим, № 29 мектептің 6 сынып оқушылары Сотник Кирилл, Овчинников Илья, № 39мектептің 5 сынып оқушысы Соколов Вячеслав, № 42 мектептің 5 сынып оқушысы Мангиликов Ансар.

         II орынға  26 оқушы ие болды  (№ 5, 9 (4), 11, 16, 17(4), 21 (2), 29 (2), 36 (3), 37, 39 (4), 41, Б. Момышұлы атындағы мектеп (2). 

         III орынға 27 оқушы ие болды   (№ 2, 4 (2), 5, 9, 14, 16 (2), 18, 21, 25, 26, 28, 30, 34 (3), 36, 37, 39 (3), 43 (2), Кенжекөл (2), Б.Момышұлы атындағы  орта мектептер).

Оқушылардың жұмыс кезінде, олимпиада ұстаздары үшін И. В. Панфилов атындағы Әскери Даңқ мұражайына экскурсия ұйымдастырылды.