Павлодар қаласының № 21 ЖОМ 6 сынып оқушысы Жамажан Нарай Абай Құнанбаевтың туғанына 175 жыл толуына арналған «Абай мұрасы - қазақтың қасиетті қазынасы» дистанциялық халықаралық конкурсының жеңімпазы атанды. Ол І дәрежелі дипломмен марапатталды. Байқауға «Абай өлеңінің ерекшеліктері туралы» шығарма жазды. Өз шығармаларында «Ызалы жүрек долы қол», «Малға достың мұңы жоқ» өлеңдерінде жазылған ақынның ерекше көңіл-күйі, әділдігі туралы тақырыпты аша алды.

  Нұрай 1 сыныптан бастап түрлі облыстық, республикалық, халықаралық конкурстарға қатысып, өнер туралы әдебиетті, классиктердің шығармаларын оқығанды жақсы көреді, асық ату ойынымен айналысады. Осы кезеңде ол IV республикалық экологиялық «Птичий перезвон» конкурсының, Ақсу қаласында өткен «В лесу родилась елочка и пусть она растет - 2016» қалалық акциясының, ағылшын тілі бойынша «British Bulldog» халықаралық конкурсының, «Ақ бота» облыстық интеллектуалдық марафонының сертификаттарын алды, «Менің арманым» шығарғаны үшін халықаралық білім беру сайтының «Дар учителя» конкурсының II дәрежелі дипломымен марапатталды (2017 жыл). II, III облыстық «Алтын асық» интеллектуалдық ойыны сертификаттары бар (2016, 2017 жылдар).