Павлодар қаласының білім беру бөлімі мемлекеттік білім беру саясатына сәйкес білім берудің барлық деңгейлерінде сапалы өзгерістерге бағытталған міндеттерді кезең-кезеңмен шешуді жалғастыруда.

Отандық білім беруді жаңарту және жаңғырту жағдайында цифрландыру проблемаларының өзектілігі қашықтықтан оқыту кезеңінде ерекше байқалды. Цифрландыру жобаларын сәтті іске асыру үшін қаланың барлық жалпы білім беретін мектептері 60 мб/сек дейін жоғары жылдамдықты кең жолақты интернетпен қамтамасыз етілген. 2020 жылы 560 жаңа компьютер сатып алу санының көрсеткіші 1 компьютерге 6,6 оқушыға дейін төмендетуге мүмкіндік береді.

Білім алушылар контингентінің өсуіне байланысты 1 ПК-ге оқушылар санының өсуі артады. Облыстық 5,2 көрсеткішке қол жеткізу үшін 3345 компьютер сатып алу қажет. Бұдан басқа, қазіргі заманғы компьютерлік техниканы сатып алу қажеттілігі бағдарламалық қамтамасыз етуді оқыту стандарттарының қазіргі заманғы талаптарына сәйкес келтіру қажеттілігінен және оқу процесін қашықтықтан ұйымдастыру қажеттілігінен туындады. 10 тамыздан бастап оқушыларға компьютерлік техниканы жауапты сақтауға беру басталды. 5374 бірлік берілді.

Қала мектептері қашықтықтан оқыту ұйымдастырылған интернет платформаларды анықтады, олар: «Білім land», «Күнделік», «Онлайн мектеп» электрондық журналы. Онлайн мектеп білім беру контентін қосу үшін облыстық бюджеттен 7,3 млн. теңге сомасында ақшалай қаражат бөлінді.

Қашықтықтан оқытуды ұйымдастыруда мұғалімдер мен мектептерді әдістемелік қолдау маңызды міндет болып табылады. Осы мақсатта Павлодар қаласы білім беру бөлімінің әдістемелік кабинеті мектеп әкімшілігі мен мұғалімдерге онлайн режимде семинарлар өткізуді ұйымдастырды. Оқу жылы басталғанға дейін жалпы білім беретін мектептердің барлық мұғалімдерін қашықтықтан оқытуды ұйымдастыру бойынша онлайн - курстармен курстық даярлау қамтамасыз етілді. Білім беру бөлімі мен қала мектептерінде мұғалімдер мен оқушыларға әдістемелік көмек көрсету және ақпараттық-түсіндіру жұмыстарын ұйымдастыру үшін Call-орталықтар ашылды.