Қазақстан Республикасының Конституциясы күні қарсаңында «Павлодар қаласы № 86 сәбилер бақшасы - «Baby Land» дене шынықтыру-сауықтыру орталығы» КМҚК-да осы мерекеге арналған іс-шаралар өткізілді.

Құқықтық тәрбие тақырыбына балалармен сабақтар өткізіліп, әңгімелер жүргізілді. Барлық топтарда «Менің құқықтарым мен міндеттерім», «Біздің Отанымыз – Қазақстан» атты тақырыптық сабақтар, «Менің Отанымның рәміздері» тақырыбына әңгіме өткізілді. Осы іс-шаралар барысында тәрбиеленушілеріміз «Заң», «тәртіп», «құқық» ұғымдарымен танысты. Балалар Конституция туралы түсінік алды, Қазақстанның Әнұранын біледі.

Барлық осы іс-шаралар балалардың бойында өз еліне деген мақтаныш сезімін тәрбиелеуге, азаматтық, патриотизм сезімін, Отанға деген сүйіспеншілігін, Қазақстан тарихына деген қызығушылығын дамытуға көмектеседі.