Ата-аналармен өткен конференция

Біздің №10  сәбилер бақшасында педагогтардың негізгі мақсаты - білімді, ұлағатты, салауатты, тәрбиелі ұрпақ тәрбиелеу. Осыған орай «Балабақша мен отбасының педагогикалық ынтымақтастығы» тақырыбында ата-аналар конференциясы өтті. Конференцияға ата-аналар бір кісідей қатысып, бала тәрбиесіне байланысты қызықты да тартымды баяндамалар жасап, әр-түрлі педагогикалық жағдаяттарға белсенді жауап беріп ойларымен бөлісті. Конференцияны балабақша меңгерушісі Темірбекова Ботагөз Қайыржанқызы «Отбасы мен балабақша өзара қарым-қатынасын ұйымдастырудың қазіргі замандағы әдістері» тақырыбын ашты. Даярлық тобының тәрбиешісі Хамитова Торғын Құдайбергенқызы «Баланы мектепке даярла» тақырыбында мәлімет берді. Конфенциямызда мынадай шешім қабылдадық: «Барлық уақытта ата-ана мен балабақша қызметкерлері тығыз байланыста бола отырып, болашақ қоғам азаматтарын жан-жақты жетілген жеке тұлға ретінде ұлтжанды етіп тәрбиелеу».