«Үлкен үзіліс» қалалық жобасының басталуы

         «Павлодар дарыны» бос уақытты қамту және балалардың дарындылығын дамыту орталығының ұйымдастыруымен  2026 жылғы 22–23 қазанда  «Үлкен үзіліс» қалалық жобасы өткізілді.

           2026-2027 оқу жылында «Үлкен үзіліс» жобасына Павлодар қаласының 

34 жалпы орта білім беру мектептері тіркелді.

           Жобаның мақсаты – сынып ұжымдарының шығармашылық тұрғыдан өзін-өзі ұйымдастыру, өзін-өзі жүзеге асыру және өзін-өзі бақылау дағдыларын дамыту.

           Жоба оқу жылы бойы жүзеге асырылып, 7 кезеңді қамтиды. Әр кезеңнің қорытындысы бойынша сынақтар нәтижесінде ең аз ұпай жинаған төрт команда жобадан шығарылады.

          «Үлкен үзіліс » қалалық жобасының бірінші кезеңі аясында № 6 жалпы орта білім беру мектебінің спорт залында қызықты спорттық эстафета ұйымдастырылды.

           Қатысушылар өздерінің спорттық дағдыларын, ептілігін, жылдамдығын және командалық жұмыс істеу қабілеттерін көрсетті. Эстафета бағдарламасына «Прыгуны», «Cup Tower Challenge», «Палка-квест», «Переправа» және «Нысанаға дәл тигіз» атты спорттық-сауықтыру сынақтары енгізілді.

           Әрбір тапсырма оқушылардан дене дайындығымен қатар өзара көмек көрсетуді, бірлескен іс-қимылды үйлестіруді және ортақ нәтижеге қол жеткізуге ұмтылуды талап етті.

           Жоба шарттарына сәйкес, бірінші кезеңнің қорытындысы бойынша №18, Қ.Мақпалеева, Р.Нұртазина және С.Торайғыров атындағы жалпы білім беретін мектептердің командалары жобадағы жарыс жолын аяқтады. Қалған командалар келесі кезеңдерде өзара бақ сынауды жалғастырады.