Педагогтерді аттестаттау аясында біздің балабақшада ұйымдастырылған қызметтің ашық көрсетілімдер өткізілуде. Білім беру қызметінің ашық көрсетілімдері педагогтердің біліктілігін арттыру жүйесінде және жалпы білім беру процесінде маңызды рөл атқарады. Олар әріптестердің қалай жұмыс істейтінін көруге, олардың жағымды тәжірибелерін пайдалануға мүмкіндік береді.

Тәрбиеші Ж.Е.Туртулова «Отбасы  бақыты» балалар-ата-аналар клубының отырысын «Біздің балалар қандай ойындармен ойнайды?» атты тақырыбына өткізді. Ата-аналарға танымдық және зияткерлік дағдыларды дамыту кезінде балалардың жас ерекшелігіне сәйкес   математика негіздерін жүзеге асыру мақсатымен қолданылатын көптеген ойындар ұсынылды. Ата-аналар ойындар ойнап, белсенділік пен тапқырлық танытып, өз тәжірибелерімен бөлісті.