2025 жылдың 3 желтоқсанында Павлодар қаласының  инновациялық үлгідегі гимназия сыныптары бар №39 жалпы орта білім беру мектебі базасында өзара ынтымақтастық аясында "Scaffold – өмір бойы қажетті құзыреттер" атты оқыту семинары өтті. Семинарға Павлодар ауданының мектептері (Шақат, Мичурино, Заря, Розовка, Ефремовка, Чернорецк, Черноярка, Кеменгер, Ямышево ауылдары), сондай-ақ Ақсу қаласының №7 мектебінің педагогтері қатысты.

Іс-шараға қатысушылар Scaffold білім беру құралын оқу үдерісінде қолдану жолдарын жан-жақты зерделеді. №39 мектеп қонақтарының белсенді жұмысы мен жауаптары сабақ құрастырудағы инновациялық тәсілге деген жоғары қызығушылықты, сабақ құрылымын нақты жоспарлауға мүмкіндік беретін бұл ресурсты қолданудың өзектілігін көрсетті. Ауыл мектептері мен Ақсу қаласының педагогтерімен бірлескен жұмыс алдағы уақытта да жалғасатын болады.