Қыркүйектің 19-ы күні  қалалық білім беру бөлімінің жоспары бойынша «Бір ел- бір кітап» республикалық акцияның аясында мектеп кітапханасында қазақ тілі мен әдебиеті мұғалімі Б. Қ. Мұқышова және кітапхана меңгерушісі Қ. А. Қалиеваның ұйымдастыруымен «Сайын даланың Сайыны» атты оқушылар конференциясы өткізілді. Конференция барысында қазақтың көрнекті жазушысы Сайын Мұратбековтің өмірі мен шығармашылығына  мектептің 8 «А» сынып оқушылары баяндама дайындап, «Жусан иісі» әңгімесінің негізгі кейіпкері Аян образын жан-жақты ашып, кейіпкердің прототипі Науқан Керімовтің өмірінен дерек берді. Соғыс кезіндегі жетім балалардың өмірі мен қазіргі кездегі жетім балалардың өмірін салыстыра отырып, «Сәбидің бәрі бақытты болуы үшін жаралған» деген тақырыпта ой толғады. Конференцияның соңында оқушыларға Сайын Мұратбековтің  «Жабайы алма» әңгімесі оқуға ұсынылды. Конференция бәрінің көңілінен шықты.