2013 жылдың 4 желтоқсан күні 39 мектепте әр айдың сәрсенбісінде өтетін «Қазақша сөйлесейік!» акциясы өтті. Акция барысында барлық сабақтар қазақ тілінде басталып, асхана, кітапхана, медицина кабинеттеріндегі қабылдаулар тек қана мемлекеттік тілде өтті. Бастауыш сынып оқушыларымен  Шарбанова Қымбат Бақытбекқызы сергіту ойындарын ойнатты. 8 сынып оқушыларымен Тұмарбекова Назгүл Елубайқызы құйтырқы, қызық сұрақтар қойылып, ребустар, сөзжұмбақтар шешу арқылы «Ойнайық та, ойлайық!» ойынын өткізді. Барлық оқушылар белсене қатысып, тәтті сыйлықтарға ие болды.