18 - 28 қараша аралығында мектебімізде «Қазақ тілі» декадасы өтті. Осы декада аясында қарашаның 25-і күні өз мектебімдегі қазақ тілі мұғалімдерінің әдістемелік бірлестігі мұғалімдеріне «Диалогтік оқыту - сын тұрғысынан ойлауды дамыту» атты шеберлік сағатын өткізіп, өз тәжірибеммен бөлістім. Мақсатым қатысушыларға диалогтік оқытудың, сұрақ түрлері мен сұрақ қоя білу маңыздылығын тәжірибе түрінде көрсету. Оқытудың белсенді әдіс-тәсілдерін өз тәжірибелеріне енгізу. Берілген әдістерді сабақтың қай кезеңінде қолдануға болатындығын анықтау, ақпаратты меңгеру, әдістерді тәжірибеден өткізу, сындарлы кері байланыс беруге дағдыландыру. Тәжірибе барысында әріптестерім осындай дағдыларды меңгере отырып, «Әр елдің амандасу салты», «Желдеткіш», «Достармен кездесу», «Тыңдаушы-әңгімелеуші», «Кейіпкерге сұрақ», «SWOT» кестесі, «FILA» әдісі, «ПЛЮС-МИНУС-ҚЫЗЫҚТЫ» әдістерімен танысып, өз қоржындарына салып алды. Шеберлік сағаты өте сапалы өтті. Қатысушылар кері байланыс беру арқылы өз ризашылықтарын білдіріп жатты. Тәжірибе көңілімізден шықты.
«Басқаларды үйрете жүріп біз өзіміз үйренеміз» деген Сенеканың сөзі осы деп ойлаймын.
Қазақ тілі мұғалімі Мукушова Бактылы Кимановна