Көктемгі каникул кезінде 8 А сынып жетекшісі Б. Қ. Мұқышованың жетекшілігімен 5 -8 сынып #39 ЖОББМ оқушылары шырайлы да шұғылалы Алматы қаласына экскурсияға барып келді. Экскурсия барысында оқушылар оңтүстік астана - Алматы қаласының тарихымен етене танысып, алғашқы Президент алаңы, Президент мұражайына барып қызықты ақпараттар алды. Жер бетінен 3200 метр биіктікке шығып Шымбұлақ пен Медеу мұз айдынында ерекше әсер алды. 28 Панфиловшылар алаңында батыр аталарымыздың ерлігіне бас иіп, мәңгілік от басында минуттық үнсіздік жариялап, тағзым етті. Сонымен қатар хайуанаттар бағы мен дельфинариде керемет қуанышты сәттердің куәсі болды. Бұл каникул оқушылардың есінен кетпес демалыс болды.