Алматы қаласында «Арнаулы білім беру ұйымының үздік педагогы – 2025» республикалық конкурсы өтті. Арнаулы №49 бала-бақшасының тәрбиешісі Бахытгүл Балтабаевна Джуматаева «ППТК балабақшасының үздік педагогы» номинациясы бойынша ІІІ дәрежелі дипломға ие болды.

Арнаулы және инклюзивті білім беруді дамыту ғылыми-практикалық орталығы ұйымдастырған конкурс еліміздегі ең білікті педагогтарды анықтады. Облыстық кезеңде 19 маман бақ сынап, Павлодар облысынан үш жұмыс республикалық финалға жолдама алды.

Бахытгүл Балтабаевнаның жетістігі — ерекше білім беруді қажет ететін балалармен жұмыс істеудегі оның кәсібилігі мен тәжірибесінің нәтижесі. Жеңісімен шын жүректен құттықтаймыз!