Ел көлемінде өтетін дәстүрлі «Бір ел – бір кітап» республикалық акциясының комиссия мүшелері биылғы таңдауын жасады. Дауыс беру нәтижесінде 2026 жылы бүкіл ел болып оқитын туынды – көрнекті жазушы Қабдеш Жұмаділовтің "Тағдыр" тарихи романы болып бекітілді. 

Биыл 20-шы рет ұйымдастырылып отырған жобаның басты мақсаты – ұлттық әдебиетті насихаттау және кітап оқу мәдениетін қалыптастыру. «Бұл таңдау – тарихи жадыны жаңғыртып, ұлттық рухты тереңдетуге бағытталған ортақ шешім», – деп атап өтті комиссия төрағасы Нұртөре Жүсіп.

Баршаңызды биылғы жылдың басты кітабын бірге оқуға шақырамыз!