Алашым”, “Елім” дегенде кеудесі қарс айырылатын, ұлтының рухымен на­мысына екі дүниеде ештеңені тең­гер­­меген, қазақ дейтін халықтың қаба­ғын жерге қаратпау үшін бар саналы өмірін арнаған санаулыларымыздың бірі, жаны жайсаң, мінезі мәрт аға – ҚР және Монғолия жазушылар одағының мүшесі Ақын Алақанұлымен қаламыздағы Бұқар жырау атындағы мұражай қызметкерлері басшылығында мазмұнды әуенді әдеби кеш 27- сәуір күні өтті.

     Сөйлесе сөзден алдырмас, ой дү­ние­­сі­не сүңгісе, шашасынан салдыр­мас, бек­зат бітімді, бекем пікірлі, жүрегі жұмсақ жазушы ағамыздың қазақ көркем ойы мен көркем сыни пікірінің өрістеп дамуына сіңірген еңбегі орасан екен. Со­н­дықтан ағамыздай әде­биет әлемінде өзіндік жолы бар қаламгермен өткен кештен мектеп оқушыларының алары мол болды.

      Ұлттық құнды­лықтарымызға – әдебиет тану мен театр тануға үлес қосып жазған, жілік майы толымды, салиқалы еңбектері жоғары екендігін үзіндіден тыңдаған тыңдарман риза болды. Кеш барысында оқушылар өздерін қызықтыратын сұрақтарға жауап алды. Кештің тартымды өтуіне арнайы дайындалып келген концерттік бағдарламаның әсерімол болды.

     Әдеби кеш соңында мектеп директоры Т.К.Нөгербаев Ақын Алақан ұлына шығармашылық табыс тілеп, елім деген жанның тұлғасы ұрпағына әрқашан да үлгі болатындығын айтып, естелік сыйлық тапсырды.

Қаламқас Байдуллақызы Шулбаева,

қазақ тілі мен әдебиет пәні мұғалімі.