Тәуелсіздіктің 25-жылдығына орай №19 жалпы орта білім беру мектебінде күзгі демалыс уақытында 6-сыныптар арасында «Тәуелсіздік тұғыры биік болсын!» атты эстафеталық спорттық сайыс өтті. Бұл сайыс «Мәңгілік ел» атты Патриоттық актісі аясында және оқушылар арасында салауатты өмір салтын насихаттау мақсатында ұйымдастырылды. Демалыс уақыты болса да, әр сыныптан көп оқушылар қатысып, сайыстың қызықты өтуіне атсалысты. Оқушылыр доп жүргізу, кедергілер арасынан өту, арқан тарту т.б.спорт түрлерінен сайысып, өздерінің ұйымшылдықтарын, спортқа деген қызығушылықтарын көрсетті. Спорттық шара өте көңілді және мазмұнды өтті. Сайыс қорытындысы бойынша 6 «Б»-сыныбы бірінші орынды иеленді. Сынып оқушыларын жеңістерімен құттықтаймыз.