Павлодар қаласы білім беру бөлімінің "Павлодар дарыны" балалар дарындылығын дамыту және жұмыспен қамту орталығы 2020 жылғы 4 қарашада Ұлы Абайдың 175 жылдығына арналған "Абай оқулары" республикалық конкурсының қалалық кезеңін өткізді. Байқаудың мақсаты-қазақ халқының әдеби мұрасын насихаттау, оқушылардың қазақ классикалық әдебиетін оқуға деген қызығушылығын арттыру. "Жүйріктен жүйрік озар жарысқанда" номинациясында №20 мектеп-лицейінің 10 сынып оқушысы Дамира Байжанқызы ІІІ жүлделі орынға ие болды. "Абайдың қара сөздерін жатқа айту" номинациясы бойынша 9 сынып оқушысы Гомар Амина ІІІ дәрежелі дипломмен марапатталды.

           Жүлдегерлерді құттықтаймыз, шығармашылық табыстар тілейміз!