Ұлы ғалым, философ, ойшыл Әбу Насыр Әл-Фарабидің 1150 жылдығын мерекелеу аясында 2020 жылғы 30 қазанда қашықтықтан жаратылыстану-математикалық цикл пәндері бойынша (математика, физика, химия, биология, география) халықаралық олимпиада өтті. Мақсаты - оқу пәндеріне қызығушылықты дамыту, дарынды балаларды қолдау. Олимпиадаға 20 мектеп-лицейінің 21 оқушысы қатысты.

   Олимпиаданың қорытындысы бойынша барлық оқушылар жеңімпаз және жүлдегер атанды: І орынды 12 оқушы, ІІ орынды – 7, ІІІ орынды – 2 оқушы алды. Пәндер бойынша орындар келесідей бөлінді: математика бойынша I орын – 5, II - 4, физика бойынша I орын – 3, II - 1, Химия бойынша I орын – 3, биология бойынша I орын – 1, география бойынша ІІ орын – 2, III - 2. Ең көп жүлделі орындарды 10Б сынып - 13, 10А – 8 лицейшілері иеленді.

  Олимпиаданың барлық жүлдегерлері "Дарын" Республикалық ғылыми-практикалық орталығының грамотасына ие болды.

        Жүлдегерлерді құттықтаймыз, алдағы уақытта жеңістер мен жоғары жетістіктер тілейміз.