Бұқар жырау атындағы әдебиет және өнер мұражайында Қазақстан халқы тілдері күніне орай “Тіл тағдыры - ел тағдыры” атты әдеби-музыкалық кеш өтті.
Кешке №5512, №6679 әскери бөлімінің сарбаздары, “Қазақ аналары дәстүрге жол” “Белсенді ұзақ өмір орталығы” және зиялы қауым өкілдері мен Ә.Бөкейхан атындағы лицей-мектебінің оқушылары мен қазақ тілі және әдебиет пәні мұғалімі Б.А.Сибанбаева қатысты.
   Шара барысында Ә.Марғұлан университетінің доценті, филология ғылымдарының кандидаты Әділбек Дәуітбекұлы және ақын, сатирик Қазақстан Жазушылар Одағының мүшесі Алпысбай Хонж сөз сөйлеп, №5512 әскери бөлімінің сарбаздары өлең оқып, Мизан Жұмәлі, Арынғазина Сауле, Шапағат Назымгүл әсем әндерін шырқады. Оқушыларымыз мұражайға мәдени-танымдық экскурсия жасап қайтты.