2016 жылдың 2 сәуірінде Бауыржан Момышұлы атындағы №22 жалпы орта білім беру мектебінде - Халықаралық балалар кітабы күніне арналған «Кітап- білім бұлағы» атты мерекелік іс- шара өтті. Іс- шараның мақсаты: Кітап-сарқылмас рухани қазына дей келе, білімнің кітап арқылы берілетінін ұғындыру. Кітаптың адам өміріндегі маңызы, ғылым мен білімнің пайдасы жайлы түсіндіру. Балаларды кітапханаға тарту, қызықтыру, кітап оқуға құмарлығын, кітап оқу арқылы олардың сөздік қорын, ой өрісі дамуын, рухани байлығын, шығармашылық қабілетін арттыру. «Кітап рухани – сарқылмас қазына» көрмесі қойылды. Көрмеге мектеп жасына дейінгі, бастауыш сынып оқырмандарына арналған ертегі кітаптары қойылды. Шараның ашылуы салтанатты 1«Б» сыныбының қыздарымен «Қарлығаш» биімен басталды. Жүргізушілер кітап туралы, қашан шыққанын және өлеңдерімен таныстырылып өтті. Балалармен «Ертегі еліне саяхат» атты викторина ойыны өткізілді. Сахнаға әр сыныптан 1 баладан шақырылып, ертегілер туралы сұрақтар, жұмбақтар қойылды. Әр қатысушы берілген сұрақтарға тапқырлық, жылдамдылық, ұшқыр ойлары арқылы жауап берілді. Ойынның соныңда викторинаға қатысқан балаларға сыйлықтар таратылды. 1«В» сынып оқушылары «Қасқыр мен түлкі» атты көрініс көрсетті. Көрініс өтте қызықты өтті. Осы мерекеге белсене атсалысып, өнерін ортаға салуға 1«А» сыныбының оқушысы «Ертегілер елінде» атты әнімен мерекелік іс-шарамызды аяқтадық. Кітап күніне арналған іс- шарамыз балаларға жаңа білім, сонымен қатар жақсы көңіл-күй сыйлады.

Мәліметті әзірлеген кітапхана меңгерушісі - Асылбекова Р.С.