2023 жылғы 26 ​​қаңтарда Павлодар облысының және «Халық радиосының» 85 жылдығына орай Д.Әбілев атындағы халық кітапханасында «Халық радиосының» журналистерімен кездесу өтті. Шара қонақтары – бас редактор Р.Сыбанжанова, журналистер Г.Кобжанова, А.Дүйсен. Кездесуге Павлодар қ. №24 орта мектептің 10 «ә» сынып оқушылары да қатысты. Шақырылған қонақтар журналистердің жұмыс ерекшеліктерін, кәсіби қасиеттерін айтып, журналистикадағы есте қалатын сәттерімен бөлісті. Шара соңында шақырылған қонақтар оқушылардың сұрақтарына жауап беріп, белсендіболуға және дарындылығын дамытуға тілек білдірді.