Жоғары сынып оқушыларының атынан ағаш отырғызу мектебімізде жақсы дәстүрге айналған. «Түлектер аллеясы» акциясы – бұл жай ғана қоғамдық пайдалы жұмыс, оқушылардың өз мектебін, қаласын абаттандыру мен көркейтуге қосқан үлесі емес, мектебімізде оқып, тәрбиеленген тұлғаларды еске алу. Игі дәстүрді жалғастырып, мемлекет басшысының «Таза Қазақстан» экологиялық акциясын қолдау мақсатында 2024 жылдың 3 мамырында 11 «А», 11 «Ә» және 11 «В» сынып оқушылары арасында «Түлектердің ағаш егуі» атты челлендж ұйымдастырылды. Бұл челлендж Республика бойынша 9 және 11 сыныптардың мектеп аулаларына ағаш отырғызу арқылы жүзеге асырылуда. Бүгін 11-сынып оқушылары қарағай көшеттерін отырғызды.