2025 жылдың 22 сәуірінде мектебімізде “Ұлттық кітап” күні аясында ерекше тағылымды шара өтті. Бұл күні 8-сынып оқушылары Павлодар өңірінің белгілі ақыны, Сапаров Ғабит Көпжасарұлымен кездесті.

Кездесу барысында оқушылар ақынның шығармашылығымен тереңірек танысты. Ғабит Көпжасарұлы өзінің әдеби жолы, кітапқа деген сүйіспеншілігі мен жастарды рухани байытудағы кітаптың рөлі туралы әсерлі әңгіме өрбітті. Ақын өзінің өмірлік тәжірибесінен мысал келтіріп, оқушыларға шабыт беретін ақыл-кеңестерін айтты. Сонымен қатар, “Жұлдыздар маған қараңдар”, “Ең бақытты күн”, “Жалтырым менің, алтыным!” атты жарық көрген туындыларымен таныстырды.

Шара соңында оқушылар ақынға сұрақтарын қойып, ашық пікір алмасты. Кездесу жылы әрі шығармашылық рухта өтті, оқушылар көптеген әсер мен тың ой алып қайтты.
#Abay_180_challengepvl
#Абай 180_челлендж_пвл #кітапкүні2025 #ұлттықкітапкүні2025