Павлодар қаласының № 24 жалпы орта білім беру мектебі — көпжылдық тарихы мен берік дәстүрі бар білім ордасы. Мұнда тұлға тәрбиеленіп, саналы азамат қалыптасады, болашаққа жол ашылады.
Мектеп өмірінің жүрегі — сынып жетекшісі. Ол тек мұғалім емес, шәкіртке бағыт-бағдар беретін тәлімгер, сенімді серік. Оқушыларды алғашқы жетістіктері мен алғашқы қателіктері арқылы жетелеп, жауапкершілікке, бірлікке және Отанды сүюге баулиды.
Тәрбиелік жұмыстың жарқын үлгісі — республикалық деңгейде танылған «Қазақстан халқы Ассамблеясының мамандандырылған сыныбы» жобасы. ҚХА-ның 30 жылдығында 30 түлек үлкен өмірге жолдама алды: жоғары оқу орындарына гранттар, спорттық және академиялық жетістіктер, IT-жобалар мен олимпиада жеңістері, волонтерлік қызмет.
Бұл жетістіктер — педагогтер мен сынып жетекшілерінің күнделікті, жанкешті еңбегінің нәтижесі.

«Тәрбие жоқ жерде – білім де жоқ.»
Сынып жетекшісі – бүкіл мектептің жүрегі мен тірегі.