2018 жылдың 2 ақпан мен 12 ақпан аралығында «Өзін-өзі тану: Махаббат пен шығармашылық педагогикасы» тақырыбындағы онкүндік салтанатты түрде 2 ақпан күні мектепте ашық деп жарияланды. Онкүндіктің мақсаты - оқушылардың өзін-өзі тану пәндерінен инновациялық нысандары мен әдістерін қолдану арқылы жалпы адамзаттық құндылықтарын жарыққа шығару, ізденімпаз-зерттеушілік дағдыларын және шығармашылық қабілеттерін дамыту.
Онкүндікте мынадай іс-шаралар өткізілді: «Ана, мейірімділік, бейбітшілік және достық» туралы балалардың шығармашылық көрмесі, «Алтын жүректі анамыз» мәнерлеп оқу байқауы, Отансүйгіш, адамгершілік туралы жоғарғы сынып оқушылар арасында эссе жазу, балалар арасында «Ән- көңілдің ажары» ән фестивалі және сайысы, «Жүректен жүрекке» қайырымдылық акциясы. Онкүндіктің соңғы күні барлық сыныптарда 1-ші сабақ өзін-өзі тану сабағымен басталды. Тақырыбы: «Рухани-адамгершілік білім беру- ізгілікке бастар жол».

Адамгершілік құндылықтың негізінде өзара түсіністік пен үйлесімділікте өткізілген онкүндік қатысушылардың жүрегіне өшпес із қалдырды.