Қазақстан Республикасының 25 жылдық мерейтойына арналған, мектепішілік «25 игі іс» акциясы ауқымында 5 «в» сынып оқушылары бірсыпыра жұмыс атқарып өтті. Оқушылар келесі іс-шаралар өткізді: • 5 «в» сынып балалары мен сынып жетекшісі Ұлттық валюта күніне орай облыстық Оқушылар сарайында өткен көрмеге қатысып, теңгенің тарихымен танысты. Көрме барысында оқушылар ұйымдастырушылардың айтқандарын қызығушылықпен тыңдап, сұрақ қойып, экспонаттарды тамашалап, тіпті, тарихқа енген ақша номиналдарын өз қолдарына алды. Көрмеден кейін оқушылардың қызу әңгімелері көпке дейін жалғасын тапты. • Сынып оқушылары «Ең үздік» тақырыпты Рекордтар күнін өткізді. Бұл күн өте қиын болды. Алайда оны да сүрінбей өттік. Оқушылардың көбі «медалистер» атанды. Сынып оқушылары қандай ғана номинацияда орын алмады. Ең үздік қалжың, ең үздік активист, ең үздік оқушы және т.б. • Игі істерді өткізуде құстар мен жан-жануарларды да естен қалдырмау керек. Біздің оқушлар да осыны ұмытпай, ата-аналарының көмегімен жасаған құстардың жем астауларын, мектеп ауласында өсіп тұрған ағаштарға іліп қойды. • Акция шеңберінде оқушылар өздерін де қуантуды жөн көрді. Алдымен «Х» күнді таңдап, жребий бойынша кімнің-кімге сылық сыйлайтынын анықтағаннан кейін, ең қызықты кезеңге көшті. Алайда сыйлауға арналған сыйлықтар оқушылардың өз қоларымен жасалуы тиіс болды.