«№29 ЖОМ» ММ 2016 жылдың маусым айының 2-нен 21 аралығында «Қуаныш» профильді лагерь жұмыс істеді. Профильді лагердің жұмыс жоспары оқушылардың танымдық, рухани, физикалық және интеллектуалды қабілеттерін дамытуға арналған іс-шараларын енгізіп, балалардың жасының ерекшелектеріне, отрядтардың тематикалық бағыттарына байланысты жасалынды. Лагердегі күн балалардың мектепалды участкедегі жұмысынан басталды. Үзілістен кейін оқушылар өз отрядтарына барып, отряд жетекшілерімен жоспарланған жұмысты жасады. Күн сайын сағат 12.00 барлық отрядтар жалпылагерлік іс-шараларға жиналды. Таза ауада қызықты әрі көңілді «Зияткерлер елінде» атты эстафета ойындары, спорттық жарыстар, шығармашылық шеберханалар, би марафондары, психологиялық практикумдар, отрядтар арасындағы сайыстар өтті.