№29 мектептің 3 «Г» сынып оқушылары үшін Экология және туризм орталығымен Баянауыл Ұлттық табиғи паркқа өлкетану экскурсиясы ұйымдастырылды. Алғашқы әсерді балалар Жасыбай көліне түсу серпантиннен алды. Серпантин жолы ұзын әрі қауіпті. Осы жерден аман-есен өттік. «Алтын Баян» демалыс орнында орналастық. Түскі асты ішіп болғаннан кейін, айналаны бақылауға кірістік. Бізді Каримова Марина Раисовна қарсы алып, демалысымыздың қызықты және танымды өтуіне үлес қосты. Сол үшін алғысымызды білдіреміз. Марина Раисовна екі күндік демалыс тәртібін құрастырды. Алғашқы көргеніміз Кемпіртас болды. Сапар бойы Марина Раисовна осы жердің көптеген аңыздарын әңгімелеп берді. Қорықтың табиғаты мен жануарлар әлемі жайлы мағлұмат алды. Таныстыру әңгімелері кезінді жолсерігіміз табиғатты қорғау мен сақтау шаралары туралы ескертті. Балаларға қалалық шатырда алау маңындағы әндер есте қаларлық әсер қалдырған. Балалар әндерді бірге айтып, аңыздарды сусындап тыңдады. Келесі күні Берендей хандығына аттандық. Бізді ағаштан жасалған екі орман қорғаушы қарсы алды. Рұқсат алып Баянауыл паркінің жолдарымен серуендедік. Марина Раисова жол бойы бізді өсімдіктер арқылы ауа райын болжау мен жергілікті жерде бағдар табуды үйретті. Балаларға қола дәуірінің тасқа қашалып салынған суреттер үлкен әсер тигізді. Бұл арқылы Қазақстан тарихына аздап жақындадық. Бірнеше күн біз қорықтың әсем де көрікті жерлерге барып, тауға мініп саяхатқа шықтық. Сол үшін «Рахмет» айтамыз. Сынып жетекшісі: Байгузинова А.Р.