Ата-аналар жиналысы
№ 33 мектептің ата-аналар комитетінің жиналысы ерекше түрде өткізілді. Жиналыс шай үстіндегі іскери және достық жағдайда өтті. Жиналысты директордың тәрбие жөніндегі орынбасары Елена Арнольдовна Скворчевская ашты.
Сөз кезегі мектеп директоры Азамат Жанайдарұлы Сыздықовқа берілді. Ол ата-аналарға мектептегі жаңартылуға байланысты туындаған барлық жағдайларды толық түсіндірді. Бұл бес күндік оқуға ауысу және сабақ ұзақтығы – қырық минут. Ата-аналар түсіністікпен қарап, осы ауысымдардың қажет екендігіне көз жеткізді.
Мектеп әкімшілігі ата-аналардың барлық сұрақтарына жауап беріп, мектептегі өзгерістердің оқу үрдісіне әсер етпей, керісінше оқушылардың білім сапасының жақсаруына ықпал ететінін бекітті.