22 қыркүйек - Тілдер мерекесіне орай Павлодар қаласының №35 жалпы орта білім беру мектебінде «Тіл – әр ұлттың ең ұлы анасы» апталығы ұйымдастырылып отыр. Апталықтың ашылуы 16 қыркүйек күні өткізілді. Мектеп оқушылары үшін Абайдың «Желсіз түнде жарық ай» әні шырқалып, қазақ, орыс, ағылшын тілінде іс-шаралар таныстырылды. Апталық барысында сайыстар, танымдық ойындар, олимпиадалар, мәнерлеп оқу додаларын тек тілдік пәндердің мұғалімдері ғана емес, бастауыш сынып мұғалімдері мен мектебіміздің кітапхана меңгерушісі Карибаева А.К. жүргізеді. Апталық соңынан белсенді сыныптар марапатталатын болады.