2020 жылдың 4-ші ақпанында  мектебіміздің   7 «Ә», «Б» сыныптарының оқушылары Павлодар облыстық көркемсурет мұражайына экскурсиямен барды. Шәкірттер қазақтың бас ақыны Ұлы  Абайдың мерейлі тойына орай ұйымдастырылған арнайы көрмені тамашалады. «Абай -175» деп аталған танымдық көрмеде оқушылар назарына ұлы тұлғаның өмірі мен шығармашылығына арналған тарихи жәдігерлер ұсынылды. Осы танымдық сапардан балалар рухани азық алып, өй-өрісті кеңейтуге сеп болар мол мағлұматпен қанықты.