«ШЫҒЫСТЫҢ АРИСТОТЕЛІ»
Даналықтың діңгегі атанған, аса ірі тұлға, ойшыл, ғалым Әл-Фараби бабамыздың 1150 жылдық мерейтойы қарсаңында №35 жалпы орта білім беру мектебінің 7 «А» сыныбында «Шығыстың Аристотелі» атты тарихи-тағылым сабағы өткізілді.
Балалығы қазақ даласында басталып, данышпандыққа ұласқан ғұламалық жолы ешқашан бітпейтін, өзі өмірден өтсе де, ісі қалмайтын Әл-Фараби әлеміне бойлаған оқушылар ғұламаның өмірі мен даналық тағылымынан дәріс алды. Сабақ барысында ғалымның тағылымдық ойларынан сахналық қойылымдар көрсетіп, ұлағатты өлеңдерін мәнерлеп оқыды.
Әл-Фараби тұлғасының ашылмаған қырлары балаларға үлкен ой салып, ғалымның ғылыми мұрасын зерделеу болашақтың еншісіне жолданды.
#ALFARABI1150