МЫҢЖЫЛДЫҚТЫҢ ҰЛЫ ПЕРЗЕНТІ
2020 жылдың 20 ақпан күні мектеп кітапханасында 6-шы сынып оқушыларының қатысуымен ұлы ойшыл, Аристотельден кейін екінші ұстаз атанған Әбу Насыр Әл-Фарабидің 1150 жылдығына орай «Мыңжылдықтың ұлы перзенті» атты әдеби кеш өткізілді. Кеш қонақтары: қалалық білім беру бөлімінің маманы, А.Ф.Деревнина және қалалық мектептердің тәрбие ісінің меңгерушілері мен кітапханашылары.
Әдеби кештің мақсаты: оқушыларға Әл-Фарабидің өмірі мен шығармашылығы және ғылымның әр түрлі бағыттағы еңбектерімен таныстыру. Кеш барысында кітап көрмесі ұйымдастырылып, презентация көрсетілді. Мектебіміздің «Айналайын» театры мүшелері «Ұшқан ұя Фараб – туған елім», «Ізгілік туралы» аңыздарынан көріністер көрсетсе, 6 «Б» сынып оқушысы Болтаев Бақберген «Самға» әнін тарту етті, 9 «Б» сынып оқушысы Нуркаев Әділжан «Сарыарқа» күйін орындады.
Әл-Фараби бабамыздың артында қалдырған білімі, үлкен ғылыми мұрасы мәңгі жасай бермек.
Әдеби кешті ұйымдастырушылар: мектеп кітапханашысы А.ККарибаева мен «Айналайын» театрының жетекшісі С.К.Уразкенова.
#ALFARABI1150