Биыл қазақ елінің мәртебесі биік ақиық ақыны Мұқағали Мақатаевтың 90 жылдығы. Атаулы мерекеге орай еліміздің түкпір-түкпірінде түрлі іс-шаралар өтуде. Мектебіміздің 8 – сынып оқушысы Солоденко Анастасия ақынның «Аққулар ұйықтағанда» поэмасынан үзінді жаттап, ақынның 90 жылдығына орай өткізілген «Шығармашылық мұра» атты халықаралық қашықтықтан білім беру орталығының қашықтық байқауына қатысты. Қазылар алқасының шешімімен Анастасия жүлделі 1 орынды иеленді. Бұл Анастасияның мәнерлеп оқу бағыты бойынша кезекті жеңісі. Қазақ тілін меңгеруге ерекше ынта танытып жүрген оқушымызға тек сәттілік тілейміз! Жарайсың, Анастасия!