Жыл сайын колледждер мектеп түлектері үшін «Ашық есіктер күнін» өткізіп отырады. Кәсіби бағдар жұмысы аясында №43 ЖОББМ-нің оқушылары Мұнайгаз колледжінде,  КИиЕУ колледжінде, Павлодар бизнес колледжінде, Гуманитарлық-педагогикалық, Техника-экономикалық  колледждерінде және Павлодар инновациялық көп профильді колледжінде болды. Оқушылар үшін ұстаздармен, студенттермен кездесулер және аудиториялар мен оқу-шеберханаларына экскурсиялар ұйымдастырылды. Студенттердің жастар ұйымының өкілдері қызыққа толы студенттік өмір туралы, спорттық және шығармашылық шаралар туралы  айтып берді. Оқушылар осындай іс-шаралардың болашақ мамандықты таңдауға көмектесетінін атап өтті.

Оқушылардың назарын аудару, қызықтыра алу мақсатында колледждер ерекше шаралар өткізеді. Осылайша, Техника-экономикалық колледж өкілдері № 43 ЖОББМ-не келіп кездесу ұйымдастырды. «Студенттердің насхат тобы» дайындаған (би, әзілдер, ән) бағдарламасы мерекелік көңіл-күй тудырып, студенттердің белсенді, қызықты өмірлерін  көрсетті.  Оқушыларға бұл кездесу өте ұнады, олар колледждің «Ашық есіктер күніне» барды.