Күлмаш Қасымқызы1994 жылдан бастап мемлекеттік қызметте бас маманнан ұйымдастыру және кадр жұмысы секторының меңгерушісіне дейін қызмет атқарды. Өзінің барлық қызметін қала мектептерімен бірлесіп жұмыс істеуге және жоғары оқу орындарымен байланыс орнатуға арнады. Оның басшылығымен білім беру мекемелері педагог кадрлардың сапалы құрамын жақсартуға, жас мамандармен жұмыс істеуге көңіл бөлді.
Білім беру саласындағы ерекше қызметтері үшін ҚР Мұғалімдер одағының грамотасымен, ҚР Білім және ғылым министрінің Құрмет грамотасымен, «ҚР Білім беру үздігі» төсбелгісімен, ҚР Тәуелсіздігінің 20 жылдығына арналған мерейтойлық медалімен, Павлодар облысы әкімдігінің, облыстық кәсіподақ ұйымының Құрмет грамотасымен, Қазақстан Республикасы Білім және ғылым министрінің «Еңбек ардагері» медалімен марапатталды.


