Қамал Диярқызы Диярова
Павлодар қаласының білім саласында еңкселі еңбек атқарған ұлағатты ұстаздардың бірі. Еңбек жолын 1966 жылы ауыл мұғалімінен бастап бүгінгі күнге дейін жалғастырып келеді.
40 жылдан аса білім саласында атқарған жұмыстары ұшан-теңіз. Қазақ мектептерін қалпына келтіріп санын көбейту, оларды білімді мамандармен қамтамасыздандыру Қамал Диярқызының ерекше қамкорлығында болды.
Білімділігі, іскерлігі арқасында мұғалімнен қалалық білім беру бөлімі бастығының орынбасарына дейін атқарылған қызметі тиісті бағасын алды: Қазақстан Республикасының Білім және ғылым Министірлігінің грамоталарымен, «Білім саласының үздігі» марапатталады.