ҚАЛА МЕКТЕПТЕРІНДЕ АУҚЫМДЫ БАЛАЛАР ШЕРУІНЕ ДАЙЫНДЫҚ ЖҰМЫСТАРЫ ЖҮРГІЗІЛУДЕ

Халықаралық балаларды қорғау күнін атап өту бағдарламасы шеңберінде қалада ең жарқын және есте қаларлық көріністерге ие балалық шақтың мерекесі - балалар шеруін өткізу жоспарлануда. Кең ауқымды тартымды шараның мақсаты - оқушылардың салтанатты, көше-фестивалі шерулерін қолдау және дамыту, балалардың музыкалық мәдениеті деңгейін арттыру. Бүгінгі таңда жалпы білім беретін мектептерде барабаншылар, черлидершілер, мажореткалар жасақтарының, би ұжымдарының шеруге дайындық жұмыстары басталды. Шеруге № 9, 22, 24, 25, 29, 34, 36, 37, 39, 41 жалпы білім беретін мектептердің 1000-нан астам оқушылары қатысуды жоспарлауда. Балалар мен жастардың музыкалық оркестрінің салтанатты шеруі алғаш рет 2017 жылғы 1 маусымда Халықаралық балаларды қорғау күнінде 1000-нан астам қала мектептері оқушыларының қатысуымен өткізілді.