Павлодар қаласы білім беру бөлімінің әдістемелік кабинеті ZOOM платформасында онлайн режимде «Мектептің инклюзивті білім беру кеңістігінде ерекше білім беру қажеттілігі бар оқушыларды оқыту үшін жағдайларды қамтамасыз ету» семинар-практикумын өткізді. Инклюзивті білім беруге жетекшілік ететін 100 директор орынбасары, пән мұғалімдері, бастауыш сынып мұғалімдері, педагог-психологтар, педагог-ассистенттер, қаланың жалпы білім беретін мектептерінің сынып жетекшілері қатысты.
Семинарда Павлодар қаласы білім беру бөлімінің әдіскері Нурахметова Шолпан Саменовна «Білім беру мекемелерінің инклюзивті білім беру кеңістігінде ерекше білім беру қажеттілігі бар оқушыларды оқыту үшін жағдайларды қамтамасыз ету» тақырыбында сөз сөйледі. Ерекше білім беру қажеттіліктері бар балалар үшін жасалған жағдайлар туралы айтып, ерекше білім беру қажеттіліктері бар балалардың білімін қайталау, жалпылау және түзету, кедергісіз орта құру, балалардың ата-аналарымен ынтымақтастық ұйымдастыру кезінде сараланған тәсілдің ерекшеліктеріне назар аударды. № 36 ЖОМ басшысының орынбасары Каирбаева Мадина Иренгаиповна Wooclab «Сөздер бұлты» платформасының көмегімен ерекше білім беру қажеттіліктері бар оқушылармен оқу-тәрбие жұмысын ұйымдастыру бойынша мектеп жұмысының жүйесін ұсынды және қатысушыларды бірлескен жұмысқа тартты.
Тәжірибелік бөлімде пән мұғалімдерінің, педагог-психологтардың, мектептің сынып жетекшілерінің ерекше білім беру қажеттіліктері бар балалармен жұмыс тәжірибесі ұсынылған. Биология мұғалімі, педагог-зерттеуші Джавадова Мехрибан Баратовна «Инклюзивті білім беру жағдайында биология сабақтарында оқытудың белсенді әдістерін тәжірибеде қолдану» тақырыбында жұмыс тәжірибесімен бөлісті, қазақ тілі мен әдебиеті мұғалімдері, педагог-зерттеуші Зайрова Альмира Мұхитовна, педагог-сарапшы Дюсембаева Гульжан Дюйсеновна, «Қазақ тілі мен әдебиеті сабақтарында үйде оқыту бойынша және ерекше қажет ететін балаларға формативтік бағалауды жүргізу» тақырыбымен таныстырды, мектептің педагог-сарапшылары Садбекова Екатерина Викторовна информатика сабақтарында, Пидяшова Оксана Ивановна география сабақтарында ерекше білім беру қажеттіліктері бар балалармен жұмыс жасауда ақпараттық-коммуникациялық технологиялардың мүмкіндіктерін пайдалануға баса назар аударды, тарих мұғалімі Мартынович Диана Михайловна «Ерекше білім беру қажеттіліктері бар балалар үшін тарих пәнінен жиынтық бағалауды құрастыру бойынша әдістемелік ұсынымдар» тақырыбына түсіндірме берді.
10-сыныптың сынып жетекшісі Загравская Кристина Дмитриевна ерекше білім беру қажеттіліктері бар балаларды оқыту мен тәрбиелеудегі сынып жетекшілерінің рөлі туралы айтты, 4-сыныптың сынып жетекшісі Береснева Ольга Юрьевна ерекше білім беру қажеттіліктерін бағалау және оқушының психологиялық-педагогикалық қолдау мазмұнын анықтау үшін мұғалім мен мамандардың құжаттама үлгілерінің пакетімен таныстырды. Педагог-психолог Фирсова Татьяна Сергеевна «Ерекше білім беру қажеттіліктері бар оқушылардың когнитивті қабілеттерін дамытудың әдіснамалық ерекшеліктері» тақырыбында сөз сөйледі.
Семинар рефлексиясы Jamboart виртуалды тақтасының көмегімен өткізілді - семинарға қатысушылар стикерлерде семинар туралы өз пікірлерін қалдырып, оны баяндамашының суретіне бекітті. Жұмыс оқу жоспарларын құру, зияткерлік жетіспеушілігі бар балалардың ойлауын дамыту және түзету, мектеп педагог-психологтарының, сынып жетекшілерінің жұмысы бойынша әдістемелік ұсынымдар берілді.
№ 36 ЖОМ және қала мектептері мұғалімдерінің оң жұмыс тәжірибесі 2022 жылғы 11 ақпанда Павлодар педагогикалық университетімен «Бастауыш мектепте инклюзивті тәжірибені ұйымдастыру» атты ашық семинарда ұсынылады. Семинар материалдары жұмыста қолдану үшін қала мектептеріне жолданды.
