КВН мектебінің жұмыс жоспары шеңберінде «Павлодар дарыны» бос уақытты  қамту және балалардың  дарындылығын дамыту орталығы Павлодар қаласы білім беру бөлімінің «Жігер» балалар-жасөспірімдер клубымен бірлесіп 2022 жылғы 8 сәуірде № 37 ЖОМ  «Маусымашар - 2022»  қалалық фестивалін өткізді. № 1, 17, 19, 24, 33, 35, 37, Кенжекөл, Қ. Бекхожин, Б. Момышұлы атындағы Павлодар қаласының  мемлекеттік тілде оқитын мектептерінен 10 команда және Екібастұз қаласынан 4 команда қатысты. Мақсаты - жастар арасында ең танымал жанрдың үздік дәстүрлерін, көркемөнерпаздар шығармашылығын дамыту, қызығушылықтар бойынша бос уақытын  қамтудың жаңа түрлерін жетілдіру.

Байқау шарты бойынша командалар КВН маусымының ашылуының ауыспалы кубогы үшін театрализация, музыкалық шешім, әртістік, шешендік  және тапқырлық, костюмдер, сахналық және сөйлеу мәдениетінің  критерийлері бойынша жарысты.

Фестиваль қорытындысы бойынша КВН ауыспалы кубогы екібастұздықтарға бұйырды, барлық қатысушы командалар «Павлодар дарыны» орталығының дипломдарымен марапатталды. Алдағы уақытта мектеп командаларының қатысуымен іріктеу турнирлері 2022 жылдың сәуір, мамыр айларында өтеді.